Ivan Romazan memorıaly: «Barys» búgin «Salavat ıÝlaevpen» kezdesedi

ASTANA. KAZINFORM — Elordalyq «Barys» búgin shaıbaly hokkeıden maýsym aldyndaǵy dástúrli Ivan Romazan memorıalyna ekinshi oıynyn Reseıdiń «Salavat ıÝlaev» (Ýfa) komandasyna qarsy ótkizedi.

Kezdesý qazaqstandyq ýaqytpen 16:00–de bastalyp, «Qazsport» telearnasynan tikeleı efırde kórsetiledi. 

Qazirge deıin astanalyq komanda atalǵan týrnırde «Magnıtkaǵa» jol berdi.

Elordalyq hokkeıshiler úshinshi oıynda 29 tamyzda 19:00–de «Metallýrg» (Magnıtogorsk) komandasymen sheberlik baıqasady.

Elordalyq komanda týrnırge 25 tamyz kúni attandy. Komanda quramyndaǵy Nıkıta Boıarkın, Roman Starchenko, Ivan Nıkolıshın jaraqat alǵan oıynshylar tiziminde tur. Al Djeık Massı, Ien Makkoshen, Taıs Tompson, Olıve Rodrıg, Meıson Morellı, Raılı Ýolsh qajetti qujattardy rásimdep jatyr. Sondyqtan olar týrnırge qatysa almaıdy.

Qazaqstandyq klýb jańa maýsymda alǵashqy úsh oıynda elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady. 

Astanalyq komandanyń jańa maýsymǵa oqý-jattyǵý jıynynyń negizgi bóligi Astanada ótkizdi.

Aldymen medıtsınalyq komıssııa tekserýinen keıin ekijaqty kelisimshartqa qol qoıǵan hokkeıshiler 15 shildeden bastap daıyndyqqa kiristi. Al 1 tamyzdan bastap birjaqty kelisimshartqa qol qoıǵan hokkeıshiler olardyń qataryna qosyldy.

Budan buryn «Barys» hokkeı klýby AQSh oıynshysy Meıson Morellımen birjaqty kelisimshartqa qol qoıǵanyn jazdyq.