Ivan Romazan memorıaly: «Barys» búgin «Metallýrg» komandasymen kezdesedi

ASTANA. KAZINFORM — Elordalyq «Barys» búgin shaıbaly hokkeıden maýsym aldyndaǵy dástúrli Ivan Romazan memorıalyna úshinshi oıynyn Reseıdiń «Metallýrg» (Magnıtogorsk) komandasyna qarsy ótkizedi.

Aıta ketsek, budan buryn «Barys» Reseıdiń «Salavat ıÝlaev» (Ýfa) komandasyn 4:3 esebimen qapy qaldyryp, alǵashqy jeńisine qol jetkizdi. 

Qazirge deıin astanalyq komanda atalǵan týrnırde Reseıdiń «Magnıtka» komandasyna 1:2 esebimen jol berdi.

Elordalyq komanda týrnırge 25 tamyz kúni attandy. Komanda quramyndaǵy Nıkıta Boıarkın, Roman Starchenko, Ivan Nıkolıshın jaraqat alǵan oıynshylar tiziminde tur. Al Djeık Massı, Ien Makkoshen, Taıs Tompson, Olıve Rodrıg, Meıson Morellı, Raılı Ýolsh qajetti qujattardy rásimdep jatyr. Sondyqtan olar týrnırge qatysa almaıdy.

Qazaqstandyq klýb jańa maýsymda alǵashqy úsh oıynda elordada ótkizedi. Aldymen 7 qyrkúıekte Reseıdiń «Traktor» (Chelıabınsk) komandasymen kezdesse, odan keıin 9 qyrkúıekte «Amýr» (Habarovsk), 13 qyrkúıekte Belarýstiń «Dınamo» (Mınsk) klýbtarymen sheberlik baıqasady.