Ivan Dychkonyń kelesi kezdesýi 42 jastaǵy amerıkalyq boks ardagerimen ótedi

ASTANA. QazAqparat - Asa aýyr salmaqtaǵy qazaqstandyq boksshy Ivan Dychkonyń (6-0, 6 KO) kásipqoı bokstaǵy jetinshi kezdesýi 42 jastaǵy amerıkalyq ardager Morıs Harrıspen (26-21-3, 11 KO) ótetin boldy, dep habarlaıdy «SPORTINFORM» SAA.

Ivan Dychko men Morıs Harrıs arasyndaǵy jekpe-jek 6 shilde kúni AQSh-ta ótedi.

Eske salaıyq, Dychkonyń sońǵy aıqasy Sent-Pıtersbergte (Florıda shtaty, AQSh) tájirıbeli amerıkalyq boksshy Maıkl Morronemen ótken. Kezdesý otandasymyzdyń birinshi raýndta aldyn ala jeńiske jetýimen aıaqtalǵan bolatyn.