Ivan Dychkonyń kelesi qarsylasy anyqtaldy
ASTANA. QazAqparat - Asa aýyr salmaqtaǵy qazaqstandyq boksshy Ivan Dychkonyń (4-0, 4 KO) kásipqoı rıngtegi kelesi qarsylasy anyqtaldy, dep jazady Sports.kz.
BoxRec.com saıtynyń aqparatyna súıensek, ol - 29 jastaǵy AQSh boksshysy Stıven Kırnon (2-0, 1 KO). Jekpe-jek 23 naýryz kúni Gollıvýdtaǵy (Florıda shtaty, AQSh) boks keshiniń aıasynda ótedi.
Buǵan deıin belgili bolǵandaı, Ivan Dychko Sergeı Kovalevtiń burynǵy jattyqtyrýshysy Santos Rosarıomen seriktestikti toqtatyp, jańa bapker Rık Mandrıspen jattyǵyp júr.
