Ivan Dychkonyń kásipqoı rıngtegi alǵashqy qarsylasy belgili boldy
ASTANA.QazAqparat - Aýyr salmaqta judyryqtasatyn qazaqstandyq boksshy Ivan Dychko kásipqoı bokstaǵy alǵashqy jekpe-jeginde amerıkalyq boksshymen qolǵap túıistiredi, dep habarlaıdy QazAqparat.
BoxRec portalyndaǵy aqparattarǵa sáıkes, otandasymyz 29 qyrkúıekte AQSh-tyń Dalas qalasynda 34 jastaǵy amerıkalyq Eıbýr Raıtpen judyryqtasady. Raıt buǵan deıin úsh kezdesý ótkizip, 1 ret jeńilis tapqan.
Aıta keteıik, Ivan Dychko - Olımpıada oıyndarynyń eki márte qola júldegeri, álem chempıony, úsh márte Qazaqstan chempıony, Qazaqstan Respýblıkasynyń eńbek sińirgen sport sheberi.
Dychko Rıo olımpıadasynan keıin kásipqoı boksqa aýysqanyn jarııalaǵan bolatyn. 2017 jylǵy maýsymda ol amerıkalyq The Heavyweight Factory kompanııasymen kelisimshartqa otyrdy.
