Ivan Dychkonyń qarsylasy belgili boldy
ASTANA. QazAqparat - Qazaqstandyq kásipqoı boksshy Ivan Dychkonyń (2-0, 2 KO) kelesi qarsylasy belgili boldy, dep habarlaıdy QazAqparat.
Otandasymyz 1 jeltoqsanda Tampta (AQSh, Florıda shtaty) USF Sun Dome arenasynda jergilikti boksshy Lamarko Ellıspen qolǵap túıistiretin boldy.
BoxRec.com portaly málim etkendeı Ellıs kásipqoı boksta jalpy alty kezdesý ótkizip, ekeýinde qarsylasyn utyp, tórt kezdesýinde qarsylasynan jeńilip qalǵan.
Al Dychko sońǵy aıqasyn 13 qazanda ótkizip, amerıkalyq Rodrıges Keıdti úshinshi raýnda (0-1) tize búktirgen edi.
Esterińizge sala keteıik, osydan birer kún buryn Ivan Dychkonyń boks keshine kirýbıletteriniń quny qansha bolatynyn jarııalaǵan bolatynbyz. Bıletterdiń quny 35 dollar (11 638 teńge), 55 dollar (18 288 teńge) jáne 75 dollar (24 938 teńge).
