Ivan Dychko tájirıbeli amerıkalyq boksshyny nokaýtqa jiberdi

ASTANA. QazAqparat - Qazaqstandyq aýyr salmaq ókili Ivan Dychko kásipqoı bokstaǵy altynshy jeńisine qol jetkizdi, dep habarlaıdy «SPORTINFORM» SAA.

Búgin AQSh-tyń Florıda shtatyndaǵy Sent-Pıtersberg qalasynda tájirıbeli amerıkalyq boksshy Maıkl Marronemen kezdesti.

Segiz raýnd formatyndaǵy kezdesýdiń jeti raýndyn jankúıerler kóre alǵan joq. Óıtkeni qazaqstandyq joıqyn soqqy ıesi qarsylasyn birinshi raýndta sulatyp saldy.

Aıta keteıik, Ivan Dychko kásipqoı bokstaǵy altynshy jekpe-jegin de nokaýtpen aıaqtady. Buryn 21 ret jeńiske jetken 32 jastaǵy Maıkl Marrone osymen toǵyzynshy ret jeńilip otyr.

Eske sala keteıik, búgin tańerteń Kanadada da jerlesterimiz - Sadrıddın Ahmedov pen Nurzat Sabyrov kásipqoı rıngtegi kezekti kezdesýlerin nokaýtpen aıaqtaǵan bolatyn.