Ivan Dychko Tashkentte halyqaralyq týrnırdiń jeńimpazy atandy
ASTANA. QazAqparat - Qazaqstandyq Ivan Dychko Tashkentte búgin aıaqtalǵan Sıdneı Djaksondy eske túsirýge arnalǵan halyqaralyq týrnırdiń jeńimpazy atandy, dep habarlady «Qazaqstandyq boks federatsııasy».
Tashkenttegi shırek fınal rıngisinde qazaqstandyq aýyr salmaqtaǵy boksshy fınalda ózbektiń ulttyq komandasynyń nómiri birinshi boksshysy, birqatar iri halyqaralyq týrnırlerdiń jeńimpazy Mırzohıdjon Abdýllaevpen qolǵap túıistirip, 2:1 esebimen jeńiske jetti.
Ivan Dychkonyń Almatydaǵy álem chempıonatynan keıin rıngke oralýy oıdaǵydaı ótti. Búgin 91 keliden astam salmaq sanatyndaǵy qazaqstandyq quramanyń kóshbasshysy óziniń nagradalaryna taǵy bir «altyn» qosty.
Eske sala keteıik, Tashkentte bizdiń qurama aǵa jattyqtyrýshy Nurlan Safıýllınniń basshylyǵymen bes salmaq sanatynda synǵa tústi. Dychkodan basqa Djakson memorıalyna Zakır Safıýllın (60 keli), Almasbek Orynǵalıev (69 keli), Saparbaı Aıdarov (75 keli), Nurdáýlet Jarmanov (81 keli) qatysty. Bul týrnırde Qazaqstannan, Ózbekstannan, Ázerbaıjannan, Reseıden, Irannan, Túrkııadan, Qyrǵyzstannan, Qytaıdan jáne Túrikmenstannan barlyǵy 150-den astam boksshy synǵa tústi.
