Ivan Dychko polıtseılerge sheberlik sabaǵyn ótkizdi
QOSTANAI. QazAqparat – Qazaqstan Respýblıkasynyń eńbek sińirgen sport sheberi, Olımpıada oıyndarynyń eki márte qola júldegeri polıtsııanyń arnaıy bólimshe qyzmetkerlerine sheberlik sabaǵyn ótkizdi, dep habarlaıdy QazAqparat.
Sheberlik sabaǵy «Dınamo» dene shynyqtyrý jáne sport basqarmasynyń ǵımaratynda ótti.
«Polıtsııa qyzmetkerleri, sonyń ishinde jedel áreket etý arnaıy jasaǵy kún saıyn jaýyngerlik daıarlyqpen aınalysady. Ataqty jerlesterimen ótken master-klass óte paıdaly jáne qyzyqty boldy. Óıtkeni kóptegen qyzmetkerler sportpen kásibı túrde shuǵyldanady. Jattyǵýlardan bólek, polıtseıler Ivannan úlken bokstyń tásilderi týraly surady», - dedi arnaıy jasaq komandıri, polıtsııa maıory Jánibek Muhamedjanov.
«Men óz bilimim men tájirıbemmen bóliskenime qýanyshtymyn. Aldaǵy ýaqytta da mundaı sheberlik sabaqtaryna qatysýǵa nıettimin», - deıdi Ivan Dychko.
Polıtsııa maıory Qýanysh Babaqaevtyń aıtýynsha, mundaı tájirıbe almasý óte paıdaly. Babaqaevtyń ózi jeke quramdy túrli jarystarǵa daıyndap keledi. Sol sebepti, polıtsııa sportshylarynyń múmkindikterin jaqsy biledi.
«Chempıonmen jattyǵýdan keıin qosymsha kúsh alyp, senimdilik paıda bolady. Bizdiń qyzmetkerler arasynda el, Azııa chempıondary bar», - deıdi arnaıy jasaqtyń aǵa ınspektory Salamat Almatov.
