Ivan Dychko: maqsatym - chempıondyq belbeý
ASTANA. QazAqparat - Qazaqstandyq boksshy Florıda qalasynda sheberligin shyńdaıtyn boldy.
Olımpıada oıyndarynyń eki dúrkin qola júldegeri Ivan Dychko suhbatynda AQSh-ta ótetin daıyndyq jumystary týraly aıtyp berdi, dep jazady dodasport.kz.
«Naqty eshteńe aıta almaımyn. Dál qazir menedjerimmen baılanystamyn. Qujattarym daıyn bolysymen AQSh-qa jol tartamyn. Men ol jaqqa túbegeıli kóshkeli jatqan joqpyn. Qazaqstanda turamyn, al jattyǵý jumystaryn qurama shtattarda ótkizemin. Alaıda AQSh-ta kóbirek bolamyn.
Djoshýaǵa baılanysty bergen suhbatymdy tilshiler sál ózgertken. Meniń aıtqym kelgenin durys jetkize alǵan joq. «Djoshýadan ketken eseńizdi qaıtarǵyńyz keledi me?» dep suraq qoıǵan. Al men, másele Djoshýada emes. Meniń basty maqsatym - chempıondyq belbeý. Al jolymda kimniń kezdesetini maǵan mańyzdy emes», - dep jaýap bergenmin.
