Ivan Dychko Qytaıdaǵy jarysta Rıo Olımpıadasynyń joldamasyn utyp aldy
ASTANA. QazAqparat - Búgin Qytaıda bokstan Azııa jáne Muhıt aımaǵy elderi boıynsha Olımpıada oıyndaryna joldama beriletin týrnırdiń jartylaı fınaldyq básekeleri ótip jatyr.
Osydan birer sát buryn +91 keli salmaq dárejesinde boksshymyz Ivan Dychko ıordanııalyq Hýseın ıAshaıshpen kezdesti. Asa aýyr salmaqtaǵy saıysqa qazylyq etken úsh tóreshide jerlesimizge upaı jazdy.
Aıta keteıik, sheshýshi kezeńge shyqqan boksshylarǵa Olımpıada joldamasy beriledi.
Eske sala ketsek, buǵan deıin 81 keli salmaq dárejesinde boksshymyz Ádilbek Nııazymbetov túrkimenstandyq sportshy Azız Achılovpen jekpe-jekte qarsylasyn utyp, Rıo Olımpıadasynyń joldamasyna ıe boldy.
52 keli salmaqta Oljas Sáttibaev qytaılyq Jıangvan Hýdan utyldy. Ol qyrǵyz boksshysy Azat Úsenalıev pen ózbek sportshysy Shahobıdın Zoırovtyń kezdesýinde jeńilgeni bylǵary qolǵap sheberimen rıngke shyǵady. Osy jekpe-jekte jeńiske jetse onyń Olımpıada joldamasyn alýyna múmkindigi bar.
75 keli salmaqta rıngke shyqqan qazaqstandyq boksshy qyzymyz Darıǵa Shákimova koreıalyq bylǵary qolǵap sheberi Ýn Jangty utyp, fınalǵa shyqqan edi.
Al, erler arasynda 75 keli salmaqta boksshy Jánibek Álimhanuly mońǵolııalyq bylǵary qolǵap sheberi Shınebaıar Narmandahty tehnıkalyq nokaýtpen jeńdi.
64 kelide Abylaıhan Júsipov qytaılyq boksshy Tsıanksýn Hýdy tize búktirgen bolatyn.
Ókinishke qaraı kúndizgi sessııada 56 kelide óner kórsetken Qaırat Erálıev úndistandyq Shıva Tapaǵa jol bergen edi. Alaıda áli de úmit bar. Ol erteń, 1 sáýir kúni Marıo Fernandes (Fılıppın) - Chatchaı Býtdı (Taıland) jekpe-jeginde jeńilgen boksshymen joldamaǵa talasady.
