Ivan Dychko: «Klıchkomen birge ótkizgen daıyndyqtan soń Olımpıada altynyn kózdep otyrmyn»
ASTANA. QazAqparat - 2012 jylǵy Olımpıadanyń qola júldegeri Ivan Dychko Rıo oıyndaryndaǵy qazaqstandyq jankúıerlerdiń basty úmitine aınaldy. Qazaqstandyq aýyr salmaqty sportshy Londondaǵy sátti oıynynan soń, barlyq halyqaralyq oıyndarda myqtylardyń qatarynan kórinip keldi.
Jaqynda Ivan Dychko tanymal boksshy Vladımır Klıchkonyń komandasynda daıyndyqtan ótti. Ivannyń aıtýynsha, myqty qarsylastar kásibı túrde shyńdalýǵa múmkindik beredi.
«Myqty qarsylastardyń arqasynda biz ósemiz. Vladımır Klıchko - álemdik boks kóshbasshylarynyń biri. Onymen birneshe sparrıng ótkizdim. Sáıkesinshe, V.Klıchkodan biraz tájirıbe aldym. Men ony qatty ura almadym, al onyń meni qalaı urǵanyn bilmeımin endi (Kúldi). Bári jaqsy ótti. Osydan keıin Qazaqstan quramasyna qosyldym, qazir Almaty oblysynda daıyndyq júrgizýdemiz. Jalpyfızıkalyq daıyndyqtan ótýdemin. Qorytyndy daıyndyq Astanada ótedi, odan keıin Rıoǵa! Klıchkomen birge ótkizgen daıyndyqtan soń Olımpıada altynyn kózdep otyrmyn»,- dedi I.Dychko Sports.kz-ke bergen suhbatynda.
Kásibı rıng týraly oıladyńyz ba degen suraqqa boksshy bar oıy Olımpıadada ekenin aıtqan.
