Ivan Dychko kelesi jekpe-jegin Gollıvýdta ótkizedi

NUR-SULTAN. QazAqparat - Qazaqstandyq aýyr salmaqtaǵy boksshy Ivan Dychko (8-0, 8KO) kelesi aıqasyn 12 shildede Gollıvýdtaǵy (AQSh, Florıda shtaty) «Seminole Hard Rock Hotel and Casino» arenasynda ótkizedi, dep habarlaıdy QazAqparat tilshisi.

«Qazaqstan kásipqoı boksy» VKontakte paraqshasynda jarııalanǵandaı, qazaqstandyqty 12 shildede brazılııalyq Rafael Zýmbano (39-16-1, 31KO) kútip tur. Aıqas 8 raýndyq bolady.

«2015 jyly brazılııalyq boksshy amerıkalyq kishi Endı Rýıspen (33-1, 22KO) kezdesken edi. Rýıs Nıý-Iorke jaqynda ǵana Entonı Djoshýany (22-1, 21KO) nokaýtqa jiberip, brıtandyqtyń aýyr salmaqtaǵy WBO, WBA (Super), IBF jáne IBO tıtýldaryn tartyp alǵan bolatyn», - delingen habarlamada.

Eske sala ketsek, sońǵy aıqasynda jeńilip kórmegen Ivan Dychko amerıkalyq Reı Ostındi úshinshi raýndta tize búktirgen bolatyn. Aıqas úsh raýndqa ǵana sozyldy. Ózinen 20 jas úlken, salmaǵy 29 keli aýyr Reı Ostın kópke barǵan joq. Ózinen jas ári qaıratty Ivannan úshinshi raýndta tehnıkalyq nokaýt aldy.