Ivan Dychko búgin kásipqoı boksta ekinshi kezdesýin ótkizedi
ASTANA. QazAqparat - Olımpıada oıyndarynyń eki márte qola júldegeri, qazaqstandyq aýyr salmaqtaǵy boksshy Ivan Dychko jergilikti ýaqytpen 13 qyrkúıek kúni kásipqoı bokstaǵy ekinshi kezdesýin ótkizedi, dep habarlaıdy QazAqparat.
Dychko búgin óziniń instagram paraqshasyna jekpe-jek aldyndaǵy salmaq ólsheý rásiminen foto jarııalady. Salmaq ólsheý qorytyndysynda boksshy 224 (110,7keli) fýntty kórsetti.
BoxRec málimetterine qaraǵanda, boks keshi AQSh-tyń Florıda shtaty Tampa qalasynda ótedi. Otandasymyzdyń qarsylasy kásipqoı jekpe-jekte birinshi kezdesýin ótkizgeli otyrǵan Rodrıges Keıdj. Al boks keshiniń basty jekpe-jeginde amerıkalyq Danıel Lozano meksıkalyq Rıkardo Rodrıgespen jeńil salmaqtaǵy WBO Latyn Amerıka beldigin sarapqa salmaqshy.
Eske sala keteıik, Ivan Dychko 29 qyrkúıek kúni kásipqoı bokstaǵy alǵashqy jekpe-jegin ótkizip, 34 jastaǵy amerıkalyq Eıbýr Raıtty ýaqytynan buryn jeńgen bolatyn.
