Ivan Dychko 48 jastaǵy amerıkalyq boksshymen jekpe-jekke shyǵady
Qazaqstan kásipqoı boksy federatsııasynyń VKontaktedegi paraqshasynda habarlanyp otyrǵandaı, 28 jastaǵy Ivannyń qarsylasy - 48 jastaǵy amerıkalyq Reı Ostın (29-9-4, 18KO). Aıqas alty raýndqa eseptelip otyr.
Atalmysh keshtiń «jeńilmegender keshi» dep atalýy tegin emes. Sebebi, ol kúni Seminole Hard Rock Hotel and Casino kesheninde jeńilip kórmegen 7 boksshy sharshy alańǵa shyǵady.
Óziniń sońǵy aıqasyn Ivan Dychko ótken jyldyń shilde aıynda ótkizip, amerıkalyq Morıs Harrısti alǵashqy raýndta nokaýtqa jibergen edi.
Eske sala ketsek, osydan bir apta buryn aýyr salmaqtaǵy qazaqstandyq kásipqoı boksshy Ivan Dychko (7-0, 7KO) WBA, WBO jáne IBF nusqalary boıynsha álem chempıony Entonı Djoshýany (22-0, 21KO) aıqasqa shaqyrǵan edi. Qazaqstandyq boksshy bul qadamǵa Djoshýanyń qarsylasy Djarell Mıllerdiń (23-0-1, 20KO) dopıng-testten ótpeı qalýy sebep bolǵan edi.