Ivan Chernýhın: Elimizge tarıhı altyn medal syılaǵanymyz úshin qýanyshtymyn
NAGOıA.KAZINFORM — Japonııanyń Nagoıa qalasynda ótip jatqan HH jazǵy Azııa oıyndarynda akademııalyq eskek esý sportynan Qazaqstan qorjynyna tarıhı altyn medal tústi. Erler arasynda juptyq synda óner kórsetken Vladıslav ıAkovlev jáne Ivan Chernýhın Kazinform tilshisine jarystan keıingi áserin aıtyp berdi.
Ivan Chernýhın jeńisti sońǵy sátte julyp alǵanyn aıtty.
— Bul meniń birinshi Azııa oıyndarym. Óte sátti, ári nátıjeli ótti dep esepteımin. Jattyǵyýymyz da oıdaǵydaı ótti. Jarysta sońǵy sátterde qarsylastarymyzdan ozyp ketken sát erekshe este qalady, — dedi ol.
Sonymen qatar, sportshy komandalasy Vladıslav ıAkovlev búgingi jeńiske kóp úles qosqanyn jasyrmady.
— Biz ózimizdiń aldymyzǵa qoıǵan maqsatymyzǵa jettik. Búgingi jeńiske qasymdaǵy komandalasymynyń mol tájirıbesi de áser etti. Ol maǵan árdaıym kómektesip, keńesin aıtyp otyrdy. Vladıslav tájirıbeli sportshy. Olımpıada oıyndarynyń qatysýshysy. Sonymen qatar, Azııa oıyndaryna buǵan deıin tórt ret qatysyp, jeńis túǵyrynan kóringen bolatyn, — dedi Ivan Chernýhın.
Vladıslav ıAkovlev aldaǵy jospary týraly aıtty.
— Bári tamasha! Biz elge tarıhı júlde syılaǵanymyzǵa qýanyshtymyn. Alǵa qoıǵan maqsatym 2028 jylǵy Olımpıadaǵa joldama alyp, júldeger ataný. Ol úshin aıanbaı eńbek etemin, — dedi sportshy.
Osyǵan deıin habarlaǵanymyzdaı, Mılad Karımı sporttyq gımnastıkadan erler arasyndaǵy erkin jattyǵýdyń fınalynda sátti óner kórsetip, qorytyndy esepte ekinshi oryn aldy.
Sonymen qatar, Qazaqstandyq semserlesýshi Kırıll Prohodov fınaldyq básekede Olımpıada chempıony Kano Kokıge ese jiberip, kúmis júlde qanjyǵalady.
