IV «Jas Barys» týrnırinde 260 palýan baq synasady
ASTANA. QazAqparat - Qarashanyń 4-7 kúnderi qazaq kúresinen «Jas Barys» respýblıkalyq týrnıri tórtinshi ret jalaýyn kóteredi. Oralda ótetin jas oǵlandardyń beldesýi bıyl tartysty bolǵaly tur. Jas mólsherine qaraı úsh top boıynsha ótetin respýblıkalyq týrnırge 260 palýan qatysyp, ár salmaq boıynsha myqtyny anyqtaıdy.
Bıylǵy «jas barystar» Oral qalasyndaǵy «Arman» sport kesheninde belgili bolmaq, dep habarlaıdy "Qazaqstan barysy".
«Jas Barysqa» qatysýshylar jas shamasyna qaraı mynadaı toptarda kúresedi: - balalar (2000-2001 j.t., 14-15 jas) - jasóspirimder (1998-1999 j.t., 16-17 jas) - jastar (1996-1997 j.t., 18-19 jas).
Bul respýblıkalyq týrnır IV kezeń boıynsha ótedi. ıAǵnı, qatysýshylar áýeli І-ІІ kezeńde aýyldyq eldi mekender men aýdandyq irikteýden (2015 jyldyń 15-30 qyrkúıegi arasynda) ótýi tıis. ІІІ kezeńde - oblystyq (qalalyq) irikteý jarystarynda synǵa tússe (2015 jyldyń 1-31 qazan aralyǵynda), ІV kezeńde úzdik shyqqandar týrnırdiń fınalyna joldama alady (4-7 qarasha kúnderi).
Shart boıynsha palýandar jas shamasyna qaraı mynadaı salmaqta kilemge shyǵady:
14-15 jastaǵy balalar: 38, 42, 46, 50, 55, 60, 66, 73, + 73 keli salmaq dárejeleri; 16-17 jastary jasóspirimder: 46, 51, 57, 64, 72, 81, +81 keli salmaq dárejeleri; 18-19 jastaǵy jastar: 55, 60, 66, 74, 82, 90, 100, +100 keli salmaq dárejeleri.
Týrnırdiń júldegerlerine Sport jáne dene shynyqtyrý isteri komıteti tarapynan planshet, fotoapparat, smartfon, dıplom jáne medaldar tapsyrylady.
