IV jáne V Dúnıejúzilik kóshpendiler oıyny qaı elderde ótetini belgili boldy

BІShKEK. KABAR-QazAqparat – Qyrǵyzstannyń Syrtqy ister mınıstri Rýslan Qazaqbaev búgin qyrǵyz-túrik qatynastaryna arnalǵan ǵylymı-praktıkalyq konferentsııada IV jáne V Dúnıejúzilik kóshpendiler oıyndary qaı elderde ótetinin aıtty, dep habarlaıdy QazAqparat KABAR agenttigine silteme jasap.

«Dúnıejúzilik kóshpendiler oıyndary bıyl Túrkııada, kelesi jyly Majarstanda ótedi», - dedi Qazaqbaev.

Búgin Túrkııa Syrtqy ister mınıstrliginiń basshysy Mevlıýt Chavýshoglý Qyrǵyzstanǵa resmı saparmen keldi. Buǵan deıin Chavýshoglýny Qyrǵyzstan prezıdenti Sadyr Japarov qabyldaǵan edi.

Aıta keteıik, Dúnıejúzilik kóshpendiler oıyndaryn ótkizýge Qyrǵyzstan bastama kótergen bolatyn. Birinshi Dúnıejúzilik kóshpendiler oıyndary Ystyqkól oblysynyń Sholpan-Ata qalasynda 2014 jyldyń 9-14 qyrkúıeginde ótti. 2016 jáne 2018 jyldarǵy ekinshi jáne úshinshi oıyndar da Qyrǵyzstanda ótti. Odan keıin estafetany Túrkııa qabyldady.