IV Islam yntymaqtastyq oıyndary: Qazaqstan qorjynyna alǵashqy medal tústi
BAKÝ. QazAqparat - Bakýde ótip jatqan IV Islam yntymaqtastyq oıyndarynan Qazaqstan qorjynyna alǵashqy júlde tústi, dep habarlaıdy «QazAqparat» HAA Ázerbaıjandaǵy menshikti tilshisi.
Oıynnyń eki kúngi qorytyndysy boıynsha, 64 kg deıingi salmaqta boksshymyz Qýat Kýanov qyrǵyz sportshysyn 3:2 esebimen utyp, kelesi aınalymǵa ótti. Endi ol túrkimen boksshysymen qolǵap túıistirmek.
Al 91 kg deıingi salmaqta synǵa túsken taǵy bir jerlesimiz Nurlan Saparbaı London Olımpıadasynyń jeńimpazy, Eýropa chempıony, álemniń eki dúrkin júldegeri ázerbaıjandyq Magomedrasýl Medjıdovke upaı sanymen ese jiberdi.
13 mamyrda dzıýdoshylarymyz jarys alańyna shyqty. 52 kg deıingi salmaqta Gúldana Álmuhambetova júldeli orynǵa ıe bolyp, Qazaqstan komandasynyń qorjynyna alǵashqy qola medaldy saldy. Ol medal úshin kúreste ózbek sportshysynan basym tústi.
Sondaı-aq búgin jasóspirimder arasyndaǵy olımpıada jeńimpazy Baýyrjan Jýantaev jarys jolyna shyǵady.
Al 66 kg deıingi salmaqta Meıirjan Qaltaev ıran sportshysymen qola júlde úshin synǵa túsedi.
Eske sala keteıik, 12-22 mamyr aralyǵynda Ázerbaıjan astanasy Bakýde IV Islam yntymaqtastyq oıyndary ótedi. Oıyndarǵa 54 elden shamamen 3500 sportshy qatysýda. Qazaqstan namysyn bes sport túri boıynsha 32 sportshy qorǵaıdy.
Buǵan deıin habarlaǵanymyzdaı, oıyndar álemniń 58 elinde tikeleı efırden kórsetilýde.
