IV Almaty Marafonynyń rekordy jańartyldy
ALMATY. QazAqparat - IV Almaty Marafonynyń 42 shaqyrym 195 metrlik qashyqtyǵy boıynsha jeńimpazy anyqtaldy. Shyǵys Qazaqstan oblysynyń Rıdder qalasynan kelgen 28 jastaǵy sport sheberi Adreı Leımenov bul marafondy týra 2 saǵat 35 mınýt 51 sekýndta júgirip ótti.
Ótken jylǵy chempıon Almat Imashev (02:36:21) bıyl úshinshi nátıje kórsetti - 02:54:20. Ekinshi orynda Georgıı Sheıko. Onyń kórsetkishi - 02:37:50.
«Bul meniń ómirimdegi ekinshi marafon. Birinshi ret ótken jyly Máskeý Marafonyna qatysqan edim. Jalpy, kez kelgen marafon adam aǵzasyna úlken syn. Al bul jerde Almaty Marafonynyń orny erekshe. Ol óte kúrdeli marafondardyń birine jatady. Sondyqtan bul básekege Ystyq kólde bir aıdan asa ýaqyt tyńǵylyqty daıyndaldym», - dedi jeńimpaz.
Ol sonymen qatar naǵyz marafonnyń 30-shy shaqyrymnan keıin bastalatyndyǵyn jetkizdi.
«Naǵyz marafon 30-shaqyrymnan keıin bastalady. Mine osy jerde qatty qınalasyń. Shydamdylyq, tózimdilik, kúsh-qýat sol kezde kerek bolady. Ózime keler bolsam, búgingi marafonda 30-shy shaqyrymnan keıin ne bolyp jatqanyn emis-emis qana bilemin. Kún óte qapyryq boldy», - dedi Andreı Leımenov.
Al áıelder arasynda sýper marafonnan birinishi oryndy ótken jylǵy jeńimpaz Gúljanat Janatbek jeńip aldy. Onyń kórsetkishi: 2:52:18.
Basqa jarystardyń nátıjeleri áli naqtylanyp jatyr.
Jeńimpazdar maqtaý qaǵazdarymen, estelik medaldarmen jáne qajetti turmystyq , keńselik tehnıkalarmen: noýtbýktar, fotoapparattar, uıaly telefondar jáne basa da qurylǵylarmen marapattalady.
Esterińizge sala keteıik, búginde erler arasynda álemdik rekord kenııalyq jelaıaq Ýılson Kıpsnagke tıesili. Onyń kórsetkishi 2 saǵat 3 mınýt 23 sekýnd. Al áıelder arasyndaǵy rekord avtory - ulybrıtanııalyq jelaıaq Pola Redklıf. Onyń kórsetkishi 2 saǵat 15 mınýt 25 sekýnd.
