Iýdeıler men musylmandar súndetke otyrǵyzýǵa tyıym salýǵa qarsy mıtıng ótkizdi

Evreıler jáne musylmandar uıymdarynyń ókilderi zańnamanyń qaıta qaralýyn talap etýde. «El Úkimeti súndetke otyrǵyzýmen baılanysty eshbir jazany qarastyrmaıtyn zańdy qabyldaýy tıis», - dep málimdedi Germanııadaǵy túrik qaýymynyń basshysy. Oǵan evreı qaýymynyń ókili de qosyldy: «Bul máselede esh habary joq adamdardyń júrgizip jatqan debattary bizdi mezi etti. Búgin ravvınmen jáne Kolat myrzamen birge súndetke otyrǵyzý jáne onyń bizdiń din úshin mańyzdylyǵy týraly aıtqymyz kelip otyr», - dedi ol.

Eske salaıyq, 2012 jylǵy maýsym aıynyń sońynda Keln soty dinı nanymmen uldardy súndetke otyrǵyzýdy zańsyz dep tanydy. Sýdıalardyń pikirinshe, kez kelgen balanyń óziniń tánine qol suqpaýshylyq quqyǵy, dinı bostandyq pen ata-analyq quqyqtan góri anaǵurlym joǵaryraq.

Bul arada Berlınde dinı uıǵarymmen súndetke otyrǵyzýdyń erejelerin bekitti. Budan bylaı ata-analar operatsııa jasatýǵa hat júzinde kelisim berip, ony dinı nanymdary talap etip otyrǵandyǵy týraly dárigerlerdi sendirýi tıis. Óz kezeginde medıtsına qyzmetkerleri ata-analardy operatsııa jasatýmen bolýy múmkin asqynýlar jáne qaýipter týraly habardar etýi qajet.