Ittiń óleksesin súıregen júrgizýshi óz áreketin túsindirdi
KÓKShETAÝ. QazAqparat - Aqmolalyq polıtseıler ólgen ıtti kóliktiń artyna baılap alyp súıregen júrgizýshini anyqtady, dep habarlaıdy QazAqparat.
Astana mańyndaǵy trassalardyń birinde ólgen ıtti mashınamen súırep júrgenderdiń vıdeosy áleýmettik jelige tarap, jurttyń narazylyǵyna sebep bolǵan edi.
«Qazirgi kezde vıdeodaǵy kóliktiń júrgizýshisi anyqtaldy. Onyń túsiniktemesi boıynsha jergilikti turǵyndar oǵan avtojoldyń boıynda ólgen ıttiń jatqanyn aıtqan. Sol sebepti ıttiń óleksesin kúl-qoqys tastaıtyn orynǵa aparyp tastaǵan. Qazirgi kezde, osy oqıǵaǵa baılanysty tekseris júrgizilýde», - dep túsindirdi ІІD baspasóz qyzmetindegiler.
Eske sala ketsek, Aqmola oblysy ishki ister departamenti jurttyń yzasyn keltirgen vıdeony tekserip jatqandyǵy týraly buǵan deıin habarlaǵan bolatyn.
