ITTF barlyq halyqaralyq jarystardy kúzge qaldyrdy
NUR-SULTAN. QazAqparat – Halyqaralyq ústel tennısi federatsııasy (ITTF) barlyq halyqaralyq jarystardy keıinge shegerdi. Bul týraly QazAqparat QR Ulttyq Olımpıada komıtetine silteme jasap habarlaıdy.
Sheshim taǵy da komandalyq álem chempıonatyna qatysty boldy. Buǵan deıin ol naýryz aıynan maýsymǵa, al endi qyrkúıek aıynyń sońy, qazannyń basyna aýystyrylǵan.
«2020 jyldyń 29 naýryzynda ITTF barlyq jarystardy maýsym aıynyń sońyna qaldyrýdy sheshti. Biz álemde qalyptasqan jaǵdaıdy eskere otyryp, komandalyq álem chempıonatyn ekinshi ret keıinge qaldyryp otyrmyz. Pandemııa jaǵdaıy kúzge qaraı sheshiledi degen úmit bar. Qazir barlyq Halyqaralyq federatsııalar 2020 jáne 2021 jyldardyń jarys kúntizbesine túzetýler engizýde. Olımpıada oıyndarynyń kelesi jylǵa aýystyrylýy aldaǵy maýsym oıyndaryn da qaıta qaraýdy mindetteıdi», - dep túsindirdi ITTF atqarýshy dırektory Stıv Deıton.
