Itten qorqyp, esinen tandy: Aqtóbede oqýshy ólimine qatysty istiń mán-jaıy aıtyldy

AQTÓBE. KAZINFORM - Oqýshy ıtten qorqyp, esinen tanyp qaldy. Bul týraly №16 orta mektep ákimshiligi habarlady.

Aqtóbe qalasynda bolǵan oqıǵadan soń № 16 orta mektep ákimshiligi jalǵan aqparat taratpaýǵa shaqyrdy.

— Jalǵan aqparat taratpaýdy jáne tek senimdi derekkózderge ǵana senýdi suraımyz. Bizdiń mekteptiń oqýshysy búgin tańerteń úıiniń aýlasynda júgirip ótken ıtten qorqyp, esinen tanyp qalǵan (ıt balany tyrnap, talamaǵan). Onyń anasy jedel járdem shaqyryp, bala aýrýhanaǵa jetkizilgen. Ókinishke qaraı esin jınamaǵan bala sol jerde qaıtys bolǵan, - dep habarlady mektep ákimshiligi. 

Eske salsaq, búgin tańerteń Aqtóbede oqýshynyń denesi tabyldy.