«ITP» ınnovatsııalyq klasterine qatysty zań jobasy birinshi oqylymynda maquldandy - Senat
ASTANA. QazAqpart - Búgin QR Parlamenti Senaty otyrysynda «Qazaqstan Respýblıkasynyń keıbir zańnamalyq aktilerine «Innovatsııalyq tehnologııalar parki» ınnovatsııalyq klasteri máseleleri boıynsha ózgerister men tolyqtyrýlar engizý týraly» QR Zańynyń jobasy birinshi oqylymda maquldandy.
Zań jobasynyń maqsaty - keıbir zańnamalyq aktilerdiń erejelerin «Innovatsııalyq tehnologııalar parki» ınnovatsııalyq klasteri týraly» QR Zańy jobasynyń normalaryna sáıkes keltirý. Osyǵan baılanysty Azamattyq kodekske, Jer, Bıýdjet kodeksterine, «Salyq jáne bıýdjetke tólenetin basqa da mindetti tólemder týraly» kodekske, sonymen qatar «Kommertsııalyq emes uıymdar týraly», «Halyqty jumyspen qamtý týraly», «Aktsıonerlik qoǵamdar týraly», «Qazaqstan Respýblıkasyndaǵy arnaıy ekonomıkalyq aımaqtar týraly» jáne «Indýstrıaldy-ınnovatsııalyq qyzmetti memlekettik qoldaý týraly» Zańdarǵa tıisti túzetýler engizý kózdeledi.
Senat depýtattary atalǵan zań jobasyn birinshi oqylymda biraýyzdan maquldap, Áleýmettik-mádenı damý jáne ǵylym komıtetine ony ekinshi oqylymǵa daıyndaý tapsyryldy.
