Itiniń kesirinen júrip ketken traktor 70 jastaǵy mýltımıllıonerdi basyp ketti
ASTANA. QazAqparat - Itiniń kesirinen júrip ketken traktordyń astynda qalǵan brıtanııalyq mýltımıllıoner Derek Mıd ajal qushty.
Oqys oqıǵa jeksenbide, 4 maýsymda Anglııanyń ońtústigindegi Somerset graftyǵynda Mıdtiń jeke sút fermasynda boldy, dep habarlady The Telegraph basylymy onyń otbasymen jaqyn aralasatyn derekkózge silteme jasap. Aldyn ala boljam boıynsha, ıt traktorǵa sekirip mingen shaqta tejegish aǵytylyp ketken. Ornynan qozǵalǵan traktor onyń ıesin basyp óte shyǵady.
Oqıǵa ornyna jetken jedel járdem men qutqarýshylar mýltımıllıonerdi ajaldan alyp qala almady.
Mıd áýleti XV ǵasyrdan beri Somerset graftyqta aýyl sharýashylyǵymen aınalysady. Olardyń baılyǵynyń qaınar kózi - shoshqa, qoı, syıyr ósirý, sút ónimderin daıyndaý.
Sondaı-aq ol Ońtústik Anglııadaǵy iri aýktsıondyq ortalyqtardyń birine ıe Mead Group kompanııasynyń qojasy bolǵan.
