Itelgi jyl qusy atandy
NUR-SULTAN. QazAqparat - Qazaqstan bıoártúrlilikti saqtaý qaýymdastyǵy (QBSQ) Qazaqstannyń Qustardy qorǵaý odaǵymen birlesip 2020 jyldyń nyshany bolatyn qusty tańdap aldy, dep habarlaıdy QazAqparat qaýymdastyqtyń saıtyna silteme jasap.
Qaýymdastyq músheleriniń daýys berýine kúshigen, qoqıqaz jáne ıtelgi usynyldy. Itelgi basqa úmitkerlerden kóp daýysqa ıe boldy.
Itelgi - jyrtqysh suńqar qustarynyń tobyna jatady. Ol Qazaqstanda silemdi taýlar men ormansyz ashyq dalalardan basqa jerdiń bárinde kezdesedi. Ásirese, Mańǵystaý men Ústirtte, Saryarqanyń jataǵan taýly óńirlerinde kóp ushyrasady. Elimizdiń soltústiginde uıa salady, Altaı, Tıan-Shan taýlarynyń eteginde qystaıdy. Itelginiń qatary 90-shy jyldary qatty sırep ketti. Ony sol kezde brakoner aýlap, arab elderine satqan edi. Ol jaqta ıtelgi saıatshylyqqa paıdalanylady. Qazir sarapshylar elimizde birneshe júz ıtelgi juby uıa salady dep sanaıdy.
Itelgini shetelge shekarada zańsyz asyryp alyp ketýge tyrysqandar jyl saıyn tirkeledi. 2015 jyly QBSQ ıtelgini zańsyz trafıkke tyıym salý úshin belsendi jumys júrgiziletin qustar tizimine qosty. QR QM Kınologııalyq ortalyǵymen seriktesip birneshe ıisshil ıt ıtelginiń ıisin tanýdy úıretildi.
Aıta keterligi, Jyl qusy ár jyl saıyn tańdalady. Eske sala ketsek, 2019 jyldyń sımvoly retinde daýadaq tańdalǵan.
Sharanyń maqsaty – tabıǵatty qorǵaý jáne osny nasıhattý úshin ártúrli shara uıymdastyra otyryp turǵyndar nazaryn qustarǵa aýdarý.
