Itelgi qusyn zańsyz shyǵarý arnasynyń joly kesildi - UQK

NUR-SULTAN. QazAqparat - Qazaqstan Respýblıkasynyń Ulttyq qaýipsizdik komıteti Shymkent qalasynda, Mańǵystaý, Jambyl jáne Túrkistan oblystarynyń aýmaǵynda júrgizgen jedel-izdestirý is-sharalarynyń nátıjesinde birqatar transulttyq toptardyń zańsyz áreketiniń jolyn kesti, dep habarlaıdy QazAqparat QR UQK baspasóz qyzmetine silteme jasap.

Kúdiktiler uzaq ýaqyt boıy Qyzyl kitapqa engizilgen ıtelgi qusyn zańsyz aýlaýmen, keıinnen olardy Qazaqstan-Óbekstan jáne Qazaqstan-Qyrǵyzstan shekaralary arqyly Taıaý Shyǵys elderine kontrabandalyq jolmen shyǵarýmen aınalysqan.

Mamandardyń esebi boıynsha, kórsetilgen qylmystyq toptardyń zańsyz áreketinen memleketke keltirilgen zııan birneshe mıllıard teńgege baǵalanyp otyr.

Uıymdastyrýshylar men qatysýshylarǵa qatysty QR QK 339-baby 2 jáne 3-bólikteri boıynsha qylmystyq ister qozǵaldy.

Tergeý is-sharalary jalǵasýda.