Itbalyqtar qyrylyp jatyr - AShM
ASTANA. 27 naýryz. QazAqparat - Aýyl sharýashylyǵy salasynyń mamandary Kaspıı ıtbalyqtary ósiminiń sońǵy ýaqytta kúrt tómendep ketkendigin aıtyp dabyl qaǵýda.
Bul týraly búgin jýrnalıstermen bolǵan brıfıngte taratylǵan málimetterden málim boldy.
Mınıstrlik taratqan málimetter boıynsha, ıtbalyqtar sanynyń azaıýyna ekologııalyq jaǵdaıdyń ózgerýi yqpal etip otyr. Bıylǵy jyldyń 20 aqpanynan bastap, Aýyl sharýashylyǵy mınıstrligi Kaspıı teńiziniń jaǵalaýynda jáne onyń mańyndaǵy ıtbalyqtardyń jaǵdaıyna monıtorıng júrgizýde. Bul rette basty nazar olardyń kúshikteý kezine aýdarylyp otyr.
Osylaısha bıylǵy jyldyń 25 naýryz kúni tańǵy saǵat 7-00-de arnaıy júrgizilgen tekserý jumystarynyń barysynda Túpqaraǵan aýdandyq Balyq ınspektsııasy bóliminiń qyzmetkerleri 35 óli ıtbalyq taýyp aldy. Eń bastysy ólgen ıtbalyqtardyń barlyǵy jas. Al olardyń ólikterine qarap, shamamen 1-1,5 aı buryn ólgendigin baıqaýǵa bolady.
Aýyl sharýashylyǵynyń mamandary 3 ıtbalyqty zertteýge jibergen. Sondaı-aq aımaqtyq sanıtarlyq-epıdemıologııalyq qadaǵalaý departamentine quramyn tekserý úshin sý jiberilgen. Buǵan qosa ıtbalyqtardyń ólimine baılanysty memlekettik organdardyń qarym-qatynasyn jetildirý jónindegi jumys tobynyń ókilderi de qalyptasqan jaǵdaıdan habardar etildi. Zertteý jumystarynyń nátıjeleri aldaǵy ýaqytta jarııa etiletin bolady.
