Itbalyqtar brakonerlerdiń torynan bosatyldy
ASTANA. QazAqparat - Qart Kaspııdiń qasıetti janýarlarynyń biri ıtbalyq bolyp tabylady. Teńizdiń osy bir erekshe jaratylǵan erkesi keıde brakonerlerdiń oljasyna aınalyp jatady.
QR UQK ShQ baspasóz qyzmeti habarlaǵandaı, Shekara qyzmeti «Jaǵalaý kúzeti» óńirlik basqarmasynyń «Saqshy» kemesi osyndaı oqıǵanyń biriniń jolyn kesken. Olar kezekshilik barysynda brakonerlerdiń qurǵan toryn taýyp alǵan. Ony jınaqtap, metrmen ólshegende uzyndyǵy 500 metr bolyp shyqqan.
Torǵa túsip qalǵan 7 ıtbalyq tabyldy, onyń 5-eýi tiri bolǵandyqtan bosatylyp, teńizge jiberildi, al ólgen 2-eýi jaǵalaýǵa shyǵaryldy.
Atalǵan derek boıynsha quqyq qorǵaý organdary habarlandyryldy.
