Itbalyqtarǵa joǵarydan barlaý jumystary júrgizildi
AQTAÝ. KAZINFORM – Bıikten barlaý jumystary Aqtaý áýejaıynan Burynshyq múıisine deıingi aýmaqty, onyń ishinde soltústik Kaspıı, ıtbalyq araldaryn, Baýtıno kentin jáne Saýra shatqalyn qamtyǵan.
Ekspedıtsııa barysynda muzda nemese sýda, tabıǵı ortada 130-dan 150-ge deıin ıtbalyq anyqtalǵan.
Barlaý jumystary 2025 jyly 12 naýryz kúni júrgizilip, oǵan Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri, Mańǵystaý oblysy ákimdiginiń ókilderi, «Qazaq balyk» respýblıkalyq balyq sharýashylyǵy jáne akvaósirý qaýymdastyǵynyń mamandary men qoǵam belsendileri qatysqan. Olar Kaspıı ıtbalyqtary jataqtaryn tikushaqpen joǵarydan baqylaǵan.
— Ekspedıtsııa nátıjesinde jaǵalaý jıeginen edáýir qashyqtyqta, dalada nemese eldi mekenderge jaqyn jerde ıtbalyqtar tabylǵan joq. Kaspıı ıtbalyqtary úshin rezervat qurý qajet. Bul joıylyp ketý qaýpi tóngen osy túrdi saqtaýdaǵy mańyzdy qadam bolmaq. Rezervat Kaspıı ıtbalyqtarynyń tirshilik etý ortasy men jataqtaryn saqtaýǵa múmkindik beredi, bul olardyń sanyn qalpyna keltirýge yqpal etedi, - delengen Balyq Komıteti taratqan aqparatta.
Buǵan deıin, Qazaqstan Respýblıkasy Prezıdentiniń keńesshisi Zúlfııa Súleımenova Kaspıı teńizi ıtbalyqtarynyń rezervaty qurylatynyn málimdegen edi.