ITB-Berlin atty álemdegi iri týrıstik kórmede qazaqstandyq stend ashyldy
ASTANA. QazAqparat - 8 naýryz kúni ITB-Berlin atty álemdegi iri týrıstik kórmede qazaqstandyq stend ashyldy. Bul týraly QR IDM Týrızm ındýstrııasy departamentiniń basshysy Marat Iǵalı Feısbýktaǵy paraqshasynda habarlady.
«2017 jyldyń 8 naýryz kúni Berlınde ótip jatqan álemdegi eń iri týrıstik kórmelerdiń birinde qazaqstandyq stend ashyldy. Ashylý saltanatyna QR MSM Jaýapty hatshysy Qýatjan Ýálıev, GFR Býndestagynyń depýtaty ıÝrgen Klımke, Qazaqstannyń Germanııadaǵy Tótenshe jáne Ókiletti Elshisi Bolat Núsipov qatysty», - dep jazylǵan habarlamada.
Eske sala keteıik, buǵan deıin 8-13 naýryz kúnderi Berlınde «ITB-Berlin - 2017» atty iri týrıstik kórme ótetini týraly habarlaǵan bolatynbyz. 
Kórmede 20 týrıstik kompanııa Qazaqstan stendin qoıady, olardyń qatarynda Turan Asia, Asia Discovery, Akjol travel, Explore Central Asia, Arnai tours, Kompas, International Travel Plus, Nata Worldwide travel kompanııalary, sondaı-aq «Qazjol» men «Otyrar» qonaq úı keshenderi bar.
Kórme baǵdarlamasynda kóptegen baǵyttar qamtylǵan: vorkshoptar, bıznes-saıahat sektsııasy, qonaqjaılylyq pen marketıng, týrızmdegi ınternet-tehnologııa men jas kásibıler. Týrıstik jańa ári tanymal baǵyttarmen tanysyp, áriptestik baılanys ornatqylary keletinderge bólek dıstantsııa kúnderi ótkiziledi.
