ITAR-TASS aqparattyq agenttigi Keńes Odaǵy kezindegi ataýyn qaıtarmaq
ASTANA. QazAqparat - ITAR-TASS aqparattyq agenttigi Keńes dáýirindegi ataýyn qaıtarmaq. «Rossııskaıa gazeta» habarlaǵandaı, bul sheshim agenttiktiń 110 jyldyǵyn merekeleýge daıyndyq boıynsha ótken uıymdastyrý keńesiniń otyrysynda qabyldandy.
TASS ataýyn qaıtarý bastamasy biraýyzdan qabyldandy. Agenttik quryltaıshysy RF úkimeti ataýyn ózgertýdi maquldaǵannan keıin sońǵy sheshim qabyldanady. TASS 1925 jyly qurylǵan, alaıda agenttik óz tarıhyn Sankt-Peterbýrg Telegraf agenttigi (SPTA) qurylǵan 1904 jyldan bastap júrgizip keledi. TASS respýblıkalyq aqparattyq agenttik jumysyn atqardy, sondaı-aq «Keńes Odaǵynan tys jerlerden aqparat jınaý men taratýǵa aıryqsha quqyǵy jáne Keńes Odaǵy sheginde sheteldik jáne jalpyodaqtyq aqparat taratý quqyǵy» bolǵan. Keńes Odaǵy ydyraǵannan keıin, 1991 jyly TASS bazasynda keńestik brendin saqtaı otyryp, ol Reseı aqparattyq telegraf agenttigi bolyp quryldy. RIA Novostı taratylǵannan keıin, ITAR-TASS Reseıdegi jalǵyz memlekettik aqparattyq agenttik boldy. ITAR-TASS-tyń bas dırektory Sergeı Mıhaılov agenttiktiń memlekettik BAQ mindetin oıdaǵydaı atqara alatynyn málimdep, ony qaıta qurý týraly sheshimdi qoldady.
