Italııanyń jaǵalaýdaǵy kúzeti 1100-den astam mıgrantty qutqaryp qaldy
BRıÝSSELЬ. QazAqparat - Ótken táýliktiń ishinde Italııanyń jaǵalaýdaǵy kúzeti Jerorta teńizinde 11 qutqarý operatsııasyn ótkizgen, sonyń arqasynda 1151 mıgrant aman qaldy.
Bul týraly Italııanyń jaǵalaýdaǵy kúzetiniń seısenbi kúni jasaǵan málimdemesine silteme jasaǵan Eýropa BAQ-tary habarlap otyr.
Táýlik ishinde jaǵalaýdaǵy kúzet qyzmetiniń asa aýqymdy operatsııasy ótkizilgeni atap ótiledi. Ol Jerorta teńizin tórt úrmeli qaıyqpen ótpek bolǵan 441 adamdy óz bortyna aldy.
Budan basqa, «Dignity One» kemesine mingen «Shekarasyz dárigerler» uıymy 373 mıgranttyń ómirin saqtap qaldy. Olardyń arasynda 62 áıel men 10 bala bolǵan.
Eske sala keteıik, aldaǵy ýaqytta Eýroodaq Jerorta teńizinde zańsyz mıgranttardy tasymaldaýshylarmen kúresti kúsheıtýdi josparlap otyr. Dúısenbi kúni EO Saıasat jáne qaýipsizdik boıynsha komıteti 7 qazan kúni EO-tyń «Sofııa» (EUNAVFOR Med) áskerı-teńizdik is-qımyldarynyń ekinshi kezeńin iske qosý týraly sheshimin bekitti. Endi is-qımyldarǵa qatysyp otyrǵan arnaıy jasaqtar kontrabandashylardyń kemelerin túgel teksere alatyn bolady.
