Italııanyń jaǵalaý kúzeti 500 mıgrant otyrǵan balyqshy qaıyǵyn tapty
NUR-SULTAN. QazAqparat – Italııanyń jaǵalaý kúzeti Jerorta teńiziniń Lampedýza aralynyń mańynda balyqshy qaıyǵynda qalqyp júrgen 539 mıgrantty qutqardy, dep habarlaıdy QazAqparat BBC-ge silteme jasap.
Mıgranttar toly kishkene aıyq Italııaǵa Lıvııadan kelgen dep boljandy. Onda áıelder men balalar kóp bolǵan. Mıgranttardyń arasynda túrli elderdiń azamattary bar. Olardyń qatarynda Mysyr, Sırııa, sonymen qatar Soltústik Afrıkadan kelgender de bar, dep habarlaıdy jergilikti BAQ.
«Shekarasyz dárigerler» uıymynyń derekterine saı, Italııaǵa keter aldynda mıgranttardy uryp-soqqan. Olardyń denesinde kógergen tustary bar. taǵy bir boljam boıynsha, olardy Lıvııada qamap ustaǵan.
Mıgranttar otyrǵan shaǵyn qaıyq batyp ketýi múmkin bolǵandyqtan bosqyndardy Italııanyń keden men jaǵalaý kúzetiniń qaıyqtaryna otyrǵyzyp, Lampedýzaǵa jetkizgen.
Italııaǵa Lıvııadan mıgranttar turaqty kelip jatady, atap aıtqanda Lampedýza aralyna jıi keledi. Alaıda buǵan deıin arnaıy qyzmet bir qaıyqta osynsha kóp mıgrant otyrǵanyn kezdestirmegen.
Mamyrda Lampedýzaǵa birneshe saǵattyń ishinde myńnan astam mıgrant kelgen.
Aralda 300 adamǵa arnalǵan mıgranttar lageri bar. Alaıda qazir ol jerde bes ese kóp adam turyp jatyr. Kelgenderdiń kóbin lagerdiń mańyndaǵy joldyń boıynsha ornalastyrylyp jatyr. Mıgranttardyń kóbi Eýropadan pana berilmeıtin elderden kelgen.
