Italııanyń toǵyz iri qalasynda aptap ystyqqa baılanysty qaýiptiń «qyzyl» deńgeıi jarııalandy
BRıÝSSELЬ. QazAqparat - Italııanyń densaýlyq saqtaý mınıstrligi dúısenbi kúni eldegi jáne Eýropanyń kóptegen basqa bólikterindegi aptap ystyqqa baılanysty Italııanyń 27 iri qalasynyń toǵyzy joǵary daıyndyq deńgeıine qoıylatynyn málimdedi, dep habarlaıdy QazAqparat tilshisi.
Italııanyń ANSA agenttiginiń habarlaýynsha, qazirgi ýaqytta bes qalada - Boltsano, Breshıa, Florentsııa, Latına jáne Perýdjada «qyzyl» deńgeı jarııalanǵan. Demek, aptap ystyq halyqtyń osal toptaryna ǵana emes, jalpy halyqqa qaýip tóndiredi. Taǵy tórt megapolıs aımaǵynda - Bolonıa, Genýıa, Rıetı jáne Rımde bul daıyndyq deńgeıi sársenbide jarııalanady.
Joǵary temperatýra Italııadaǵy qurǵaqshylyqty ýshyqtyrdy, bul eldiń aýyl sharýashylyǵyna da eleýli áser etti. Jergilikti fermerler qaýymdastyǵy «Coldiretti» Italııanyń aýyl sharýashylyǵy salasy qurǵaqshylyq pen aptap ystyqtan 3 mıllıard eýrodan astam shyǵynǵa ushyraǵanyn, keıbir jaǵdaılarda ónim 70 paıyzǵa deıin tómendegenin aıtty.
Eýropalyq ǵalymdardyń pikirinshe, aptap ystyq adamzat yqpalynan týyndaǵan klımattyq ózgeristermen baılanysty. Sonymen birge Brıýssel qalasynda jańa «jylý rekordy» tirkeldi.
Ýkkel aımaǵynda 33,7 gradýs temperatýra tirkeldi, bul 18 shildede belgııalyq meteorologtar ólsheýdi bastaǵannan bergi eń ystyq kún boldy. Seısenbi kúni eń joǵary temperatýra Brıýssel qalasynda 38 gradýs shamasynda bolady dep boljanýda.
Foto: ansa.it
