Italııanyń soltústiginde júrdek poıyz relsten shyǵyp ketti
RIM. QazAqparat - Mılan – Bolonıa baǵytymen ketip bara jatqan «Frechcharossa» júrdek poıyzy beısenbi kúni tańerteń Lodı provınıtsııasynda relsten shyǵyp ketti. Eki adam qaza tapty, olardyń biri – mashınıst, dep habarlaıdy QazAqparat.
«Corriere della Sera» basylymynyń jazýynsha, 30 adam zardap shekti. Al ANSA agenttiginiń oqıǵa ornynda jumys istep jatqan qutqarýshylarǵa silteme jasap habarlaǵanyndaı, ekinshi qaza tapqan adamnyń máıiti tabylǵan. Ol temirjolda jumys istegen.
Apattyń mán-jaıy ázirge belgisiz. Gazettiń jazýynsha, lokomotıv pen eki vagon aýdarylǵan.
