Italııanyń soltústigi karantınge jabyldy
ITALIıA. QazAqparat - Italııanyń soltústiginde karantın jarııalandy. Onda 16 mln adam turady, dep habarlaıdy QazAqparat VVS-ge silteme jasap.
Italııa bıligi koronavırýs órship turǵan eldiń soltústik aımaǵyn karantınge jabý týraly sheshim qabyldady. Bul aımaqqa kirip-shyǵý joldary jabyldy. Karantınge 16 mln adam alynǵan.
Shekteý sharalaryn engizý týraly Italııanyń premer-mınıstri Djýzeppe Konte jarııalady. Bul sharalar Lombardııanyń búkil ákimshilik aımaǵyna, sondaı-aq eldiń basqa aýdandaryndaǵy 14 provıntsııaǵa da qatysty. Sondaı-aq týrıster arasynda tanymal Mılan jáne Venetsııa qalalary da karantınge jabylady.
Konteniń aıtýynsha, bul tek osy aımaqtarǵa kirip-shyǵýǵa tyıym salý ǵana emes, sonymen qatar karantın aımaǵyndaǵy qozǵalysqa da shekteý qoıylǵan. Murajaı, taý shańǵysy kýrorty, basseın, sport zaldary, túngi klýbtar jáne buqaralyq nemese mádenı sharalar ótetin basqa da oryndar jabylady.
Meıramhanalar men dámhanalar jumysyn jalǵastyra beredi, biraq kelýshiler bir-birinen keminde bir metr qashyqtyqta otyrýy kerek. Karantın aımaǵynda turǵan adamdarǵa, úıden shyqpaýǵa keńes beriledi. Karantın rejimin buzǵany úshin úsh aıǵa deıin qamaýǵa alý qarastyrylǵan.
Barlyq sporttyq shara kórermensiz ótetin bolady. Shekteý keminde 3 sáýirge deıin jalǵasady. Lombardııanyń ózinde ǵana 10 mln-ǵa jýyq adam turady. Karantın aımaǵyna barlyǵy shamamen 16 mln adam alynǵan.
Italııa eýropalyq elder ishindegi koronavırýstan eń kóp zardap shekken el. Sońǵy derek boıynsha, Italııada koronavırýs juqtyrǵan 5 900-ge jýyq jaǵdaı rastalǵan, 230 adam kóz jumǵan, onyń ishinde 50-i – keshe qaıtys bolǵan.
Qazir álem boıynsha vırýs juqtyrǵandar sany 105 myń adamnan asqan, olardyń 24 myńy – Qytaı aýmaǵynda. Infektsııadan 3 400 adam kóz jumǵan bolsa, sonyń 3100-i –Qytaı turǵyndary.
https://www.bbc.com/russian/features-51788445
