Italııanyń prezıdenti qyzmetinen merziminen buryn ketýi múmkin
ASTANA. 2 qańtar. QazAqparat - Italııa eliniń basshysy Djordjo Napolıtano prezıdenttik qyzmetiniń ekinshi jeti jyldyq merzimin tolyq aıaqtamaýy múmkin ekenin málimdedi.
«Men jumysqa ál-qýatym jetkenshe ǵana prezıdent bolam. Odan artyq bir kún de qalmaımyn», - dedi Italııa basshysy halqyna arnaǵan jańa jyldyq sóz sóıleýinde. Ol prezıdent taǵynda kóp otyrmaıtynyn anyq aıtty, dep jazady ROSBALT.
87 jasar Napolıtano Italııa tarıhynda eki ret saılanǵan tuńǵysh prezıdent. Birinshi ret 2006 jyly el basqara bastaǵan ol 2013 jyldyń sáýir aıynda Italııanyń saıası kóshbasshylarynyń suraýymen ekinshi merzimge qalýǵa kelisti.
