Italııanyń ońtústiginde týrıster mingen tikushaq apatqa ushyrady
ASTANA. QazAqparat – Italııanyń ońtústigindegi Apýlııa aımaǵynyń soltústik bóliginde habar-osharsyz joǵalyp ketken tikushaq apatqa ushyraǵan jerinen tabyldy, dep habarlaıdy QazAqparat euronews-ke silteme jasap.
Tikushaq Fodja provıntsııasynyń Kastel-Pagano-dı-Aprısena eldi mekeninde qulaǵan. Bortta bolǵan 7 adamnyń barlyǵy qaza tapty. Onyń ekeýi – ushqysh, bireýi – jedel járdem dárigeri jáne qalǵan tórteýi slovenııalyq týrıster otbasynyń músheleri bolǵan.
Saıahatshylar Fodjaǵa bir kún buryn oralmaq bolǵan, biraq aýa raıynyń qolaısyzdyǵyna baılanysty saparlaryn keıinge qaldyrǵan. Al, Tremıtı araldarynda jumys isteıtin dáriger kezekshiliginen qaıtyp kele jatqan. Ol daýylǵa baılanysty teńiz jolymen emes, áýe kóligimen júrýdi uıǵarǵan.
