Italııanyń ońtústiginde ımmıgranttar tolqýy saldarynan 66 adam jaralandy
ASTANA. Qańtardyń 10-y. QazAqparat - Italııanyń ońtústigindegi Kalabrııa oblysyndaǵy Rozarno qalasynda afrıkalyq ımmıgranttar men jergilikti turǵyndardyń arasynda bolǵan qaqtyǵystyń saldarynan 66 adam jaralandy,
onyń ishinde 30-y - ımmıgrant, 17-si - jergilikti ıtalıandyq, 19-y polıtsııa qyzmetkerleri, dep habarlaıdy ITAR-TASS agenttigi.
Alǵashqy tártipsizdikter onda beısenbi kúni keshke bastalǵan bolatyn. Polıtsııanyń kúsh-jigerine qaramastan, tártipsizdikterdiń sońy násilshildikke narazylyq bildirýshi qaranásildi ımmıgranttar men «qonaqtardyń» áreketterine ashynýly jergilikti halyqtyń arasyndaǵy qaqtyǵysqa ulasty.
Jaralylardyń jaǵdaıy ortasha, olardyń kóbisi aýrýhanadan shyqty. Juma kúni eki ımmıgrant oqqa ushty. Taǵy bir zańsyz mıgrant senbi kúni aıaq jáne qol jaraqatyn aldy.
Afrıkalyq 300-den astam adam Kalabrııanyń Kroton qalasyndaǵy ımmıgranttarǵa arnalǵan ýaqytsha oqshaýlaý ortalyǵyna jóneltildi. Taǵy 300 ımmıgrant aldaǵy táýlikte basqa ortalyqtarǵa jaıǵastyrylmaq.
