Italııanyń ońtústiginde apatqa ushyraǵan kemede qaza tapqandar sany 62-ge jetti
ASTANA. QazAqparat - Italııanyń ońtústigindegi teńiz jaǵalaýynda mıgrantar mingen keme apatqa ushyrap, qaza tapqandar sany 100-den asýy múmkin. Olardyń arasynda balalar da bar. Bul týraly QazAqparat VVS agenttigine silteme jasap habarlaıdy.
Osy ýaqytta keminde 62 adamnyń mert bolǵany anyq. Olardyń arasynda 12 bala bar, onyń bireýi náreste.
Keme jeksenbi kúni teńiz jaǵalaýyndaǵy Stekkato-Dı-Kýtro atty demalys aımaǵy mańynda Kalabrııa qalasynyń shyǵys jaǵalaýynda apatqa ushyraǵan.
Bortynda 200-ge jýyq adamy bar keme jaǵalaýǵa jeter tusta synǵan. Kemede Aýǵanstan, Pákistan, Somalı, Sırııa jáne Iran azamattary bolǵan.
Italııa bıligi teńiz ben qurlyqta aýqymdy izdeý-qutqarý operatsııasyn júrgizip jatyr. Órt sóndirýshiler men qutqarýshylar tiri qalǵandardy izdestirýde, alaıda aýa raıynyń qolaısyzdyǵy jumysty qıyndatyp jatyr.
«Osy ýaqytta 80 adam qutqaryldy. Olardyń arasynda keme sýǵa batyp ketkennen keıin jaǵalaýǵa júzip jetkender de bar», - delingen jaǵalaý kúzetiniń habarlamasynda.
Tiri qalǵandardyń biri adam saýdalady degen aıyppen tutqyndaldy, delingen keden polıtsııasynyń habarlamasynda.
Belgili bolǵanyndaı, keme teńizge ádettegideı Lıvııadan emes, Túrkııadan shyqqan.
Italııalyq qutqarýshylardyń aıtýynsha, bul baǵyt afrıkalyqqa qaraǵanda aıtarlyqtaı tanymal emes. Degenmen osyǵan deıin teńiz arqyly Túrkııadan shyqqan kemeler Gretsııaǵa jetpek bolǵan. Alaıda Gretsııa bıligi óz saıasatyn qatańdata túsip, endi mıgranttar Italııaǵa jetýdi kózdeıtin bolǵan. Bul óz kezeginde joldy uzartyp, sáıkesinshe dittegen jerge jete almaı qalý qaýpi de arta túsken.
Osyǵan deıin Italııada keme apatqa ushyrap, 40 mıgranttyń qaza tapqanyn habarlaǵan bolatynbyz.
