Italııanyń Lampedýza aralyna eki kúnde jeti myń mıgrant kelgen
Jerorta teńizindegi Italııa aralyna Afrıka men Taıaý Shyǵystan mıgranttardyń kelýi toqtamaı, olardy sol jaqtan Italııanyń basqa óńirlerine tasymaldap jatyr, dep habarlaıdy QazAqparat Euronews agenttigine silteme jasap.
Italııanyń Lampedýza aralyna osy aptadaǵy eki táýlikte Afrıka men Taıaý Shyǵys elderinen jeti myń mıgrant kelgen.
Sársenbi kúni aralda bolǵan alty myńnan astam adamnyń úshten biri Italııanyń basqa aımaqtaryna jetkizildi. Júzdegen mıgrant portta óziniń kezegin kútip tur.
Lampedýzadaǵy 400 adamǵa arnalǵan qashqyndardy qabyldaý ortalyǵy kelgenderdiń bárin qabyldaýǵa qaýqarsyz.
Mıgranttardyń bir bóligi port mańynda qalady. Keıde ol jaqta jaǵdaı shıelenisip, máseleni ıtalııalyq polıtsııa sheshýge májbúr bolady.
Jaıly aýa raıy teńiz arqyly júzip ótýge yńǵaıly, biraq osy aptada taǵy bir keme apatqa ushyrady. Týnısten kelejatqan mıgranttardyń tórtten biri mert boldy, Italııa jaǵalaýyna zańsyz jetpek bolǵan 20 adam qutqaryldy.
