Italııanyń Kammarata qalasynda úıler tegin beriledi
NUR-SULTAN. QazAqparat - Italııanyń Kammarata qalasynyń bıligi qala turǵyndarynyń sanyn arttyrý úshin úılerdi tegin taratyp jatyr, dep jazady CNN.
Basylymnyń habarlaýynsha, sońǵy birneshe jylda Italııa qalalary turǵyndar sanyn arttyrý úshin úılerdi bir dollarǵa satýǵa kóshken.
«Neapol men Sıtsılııanyń birneshe qalalary bul júıege eń sońynda qosylǵan, al Kammarata qalasy bul júıeden asyp túsip, úılerin tegin taratýǵa kóshti. Qala meri Vınchentso Djambrone depopýlıatsııadan qutylý úshin bos turǵan úılerdi tegin berýge kóndirý úshin úsh jyl ýaqyt ketirgen. Osylaısha ol qazirgi tańda ondaǵan turǵyn úıdi tegin berýge kóndirgen jáne jaqyn arada bul kórsetkish arta beretinine senimdi» dep jazady basylym.
Merdiń aıtýynsha, Kammarata qalasynda júzge jýyq úı bos tur jáne olardyń barlyǵy turǵyndarǵa berilse, qala tirligi jandanyp shyqpaq.
