Italııanyń Iskııa aralynda laı kóshkini júrdi, qaza tapqandar bar
ASTANA. QazAqparat - Italııanyń ońtústigindegi Iskııa aralynda kóshkinnen keıin onnan astam adam iz-túzsiz joǵalyp ketti, dep habarlaıdy QazAqparat Euronews.com saıtyna silteme jasap.
Kóshkin tolassyz jaýǵan jańbyrdan týyndap, birneshe úı qıraǵan. Neapol prefektýrasynda sábıi bar otbasynyń qutqarylǵany habarlandy. Aýa raıynyń qolaısyzdyǵy izdestirý-qutqarý jumystaryn qıyndatýda.
Keıinirek Neapol bıligi Kazamıchchola-Termedegi Maıo alańynda áıeldiń denesin tapqanyn habarlady. Bul qutqarýshylar barǵan alǵashqy aýdandardyń biri.Neapol meri Gaetano Manfredı: «Alǵashqy rastalǵan qurban bar, taǵy onǵa jýyq adam iz-túzsiz joǵalyp ketti», - dedi.
8 myń turǵyny bar Kazamıchchola-Terme qalasy buǵan deıin 2017 jyly taǵy bir jer silkinisin basynan ótkergen, onda eki adam qaza tapqan edi.
Foto: Reuters, ba.n1info.com
