Italııanyń Etna taýynda janartaý atqylady
NUR-SULTAN. QazAqparat - Italııadaǵy Sıtsılııa aımaǵynyń shyǵys jaǵalaýynda ornalasqan Etna taýynda janartaý atqylady, dep habarlaıdy QazAqparat tilshisi Express.co.uk saıtyna silteme jasap.
Zertteýshiler Eýropanyń eń belsendi Etna janartaýynan shashylǵan kúl birneshe júz metrge atqylaǵanyn rastady. Seısmıkalyq belsendiliktiń ósýi atalǵan taýdaǵy sońǵy birneshe kúnde baıqalady. Jergilikti kýágerler lavanyń qyzyl aǵynyn beınetaspaǵa túsirip alǵan.
Esterińizge sala keteıik, ótken aptada Balı aralyndaǵy Agýng janartaýy atqylaǵan bolatyn. Uzaqtyǵy bes mınýtqa sozyldy, biraq výlkan az ýaqyt ishinde kúl men lavanyń edáýir mólsherin bólip shyǵarǵan. Saldarynan Denpasar halyqaralyq áýejaıy birneshe avıareısti keıinge shegerdi.
Álıhan Asqaruly
