Italııanyń eń úzdik pastasy Qazaqstan astyǵynan jasalady - QR Aýyl sharýashylyǵy vıtse-mınıstri
; ALMATY. Maýsymnyń 9-y. QazAqparat /Erlik Erjanuly/ - Italııa Premer-Mınıstri Sılvıo Berlýskonıdiń aıtýynsha, ıtalııandyq eń úzdik pasta Qazaqstan astyǵynan jasalady. Bul týraly Aýyl sharýashylyǵy vıtse-mınıstri Asqar Evnıev búgin ótip jatqan Keden odaǵy týraly dóńgelek ústel jıynynda aıtty,
dep habarlaıdy QazAqparat.
"Qazaqstannyń makaron ónimderi naryǵyna enýge zor múmkindigi bar. Máselen, Reseı qazir jyl saıyn 300 myń tonna makaron ónimderin shet elden ımporttaıdy. Jaqynda Rımde Búkilálemdik azyq-túlik qaýipsizdigi sammıti ótti. Oǵan Qazaqstannyń aýyl sharýashylyǵy mınıstri Aqylbek Kúrishbaev qatysty. Onda Italııa Premer-Mınıstri S. Berlýskonı ıtalııandyq eń úzdik pastanyń Qazaqstan astyǵynan jasalatynyn aıtty", deıdi A.Evnıev. Onyń aıtýynsha, Qazaqstan Keńes Odaǵy kezinde 4,5 mıllıon tonna qatty dán óndirdi. Bul búkil Keńes Odaǵyndaǵy qatty astyqtyń 85 paıyzy bolatyn. Qazaqstannyń qatty dán men makaron ónimderin óndirýdegi múmkindigi óte zor. Alaıda ol áli óz deńgeıinde paıdalanylyp otyrǵan joq.
