Italııanyń eki oblysynda avtonomııa úshin saılaý ótti
ASTANA. QazAqparat - Italııanyń Veneto jáne Lombardııa oblystarynyń turǵyndary ortalyq bılikten avtonomııa úshin daýys berdi, dep habarlaıdy QazAqparat.
La Stampa gazetine silteme jasap TASS agenttiginiń jazýynsha, Venetoda saılaýǵa elektorattyń 59,7 paıyzy qatysty. Aldyn ala málimet boıynsha, olardyń 98 paıyzy avtonomııa úshin daýys berse, 2 paıyzy oǵan qarsy bolǵan.
Sál keıinirek, kórshi Lombardııa oblysyndaǵy referendýmnyń aldyna ala nátıjeleri belgili boldy. Reuters -tiń habarlaýynsha, munda da turǵyndardyń basym deni (95 paıyzy) ortalyq úkimetten derbestik úshin daýys bergen. Saılaýǵa qatysý 40 paıyzdy qurady.
Aıta keteıik, Veneto men Lombardııadaǵy referendýmdar konsýltatıvtik sıpatqa ıe jáne olardyń oblys deńgeılerine tikeleı jáne shuǵyl túrde áser etpeıdi. Avtonomııaǵa qoldaý bildirilgen jaǵdaıda atalmysh eki óńir basshysy Italııa konstıtýtsııasynda qarastyrylǵandaı, el úkimetimen kelissózderdi bastaý úshin halyqtyq mandatqa ıe bolady.
Veneto men Lombardııa Italııa ekonomıkasynyń úshten bir bóligin quraıdy.
