Italııanyń tanymal trevel baǵdarlamasy Qazaqstan týraly arnaıy shyǵarylym ázirledi
Italııanyń eń tanymal saıahattyq jobalarynyń biri – Donnavventura baǵdarlamasy bıylǵy maýsymda Qazaqstanǵa arnalǵan arnaıy shyǵarylym túsirdi.
Bes jyldan astam ýaqyt boıy álemniń eń ádemi aımaqtaryn tanystyryp kele jatqan bul joba sheteldik kórermenderge Qazaqstannyń kórkem tabıǵaty men qonaqjaılyǵyn, sondaı-aq ulttyq taǵamdarynyń alýan túrin kórsetti.
Baǵdarlama júrgizýshileri Astana men Almaty qalalarynda, sondaı-aq Almaty jáne Aqmola oblystarynda bolyp, jergilikti mádenıet pen dástúrmen, ulttyq bazarlar men gastronomııalyq festıvalderdiń atmosferasymen tanystyrdy.
Efır barysynda Neos Air áýe kompanııasyna erekshe nazar aýdaryldy. Kompanııa Mılan – Almaty baǵyty boıynsha aptasyna eki ret tikeleı reıs oryndaıdy, bul Italııa men Qazaqstan arasyndaǵy týrıstik baılanysty odan ári nyǵaıtýǵa múmkindik beredi.
Baǵdarlama túsirilimderi Kazakh Tourism ulttyq kompanııasynyń, Neos Air, Italııa-Qazaqstan saýda qaýymdastyǵynyń, Almaty Tourism Bureau, Visit Astana jáne Almaty oblysy týrızm basqarmasynyń qoldaýymen uıymdastyryldy.
Aıta keteıik, Qazaqstan medıtsınalyq týrızmdi damytpaq.