Italııanyń soltústiginde úsh shańǵyshy qar kóshkini kezinde ajal qushty

ASTANA. KAZINFORM — Italııanyń soltústigindegi Ońtústik Tırol jáne Lombardııa aımaqtarynda úsh shańǵyshy qar kóshkini astynda qalyp, kóz jumdy, dep habarlaıdy Report.

Áıelder arasynda taý shańǵysy jarysy ótip jatqan Kortına-d’Ampetstso mańyndaǵy Dolomıtterdiń Marmolada aımaǵynda eki qar kóshkini bolǵan. Oqıǵadan keıin qutqarýshylar Marmolada massıvinde 3300 metr bıiktikte ornalasqan Pýnta-Rokko shyńynda basqa úsh shańǵyshymen birge eńisten syrǵanap ketken er adamnyń denesin tapty.

Taý shańǵysy jarysy ótip jatqan Bormıo qalasynan shyǵysqa qaraı 65 shaqyrymdaı jerde, tómengi Valtellına alqabyndaǵy Albosadjııa aýylynda taǵy eki shańǵyshy alańnan tys jerde qaıtys boldy.

Alpi qutqarý qyzmeti Ońtústik Tırolda qar kóshkininen zardap shekken er adamnyń aýrýhanada qaıtys bolǵan tórtinshi qurban bolýy múmkin ekenin áli rastamady.

Eske salaıyq, Alpi taýynyń La-Plan kýrortyndaǵy qar kóshkininen brıtan shańǵyshysy ajal qushty.